Administración Local
|
Urbanismo
|
Deporte 
|
Turismo Xove
|
Emprego
|
Servizos Sociais
|
Delegación Agricultura
|
|
 |
Calendario.Lab. #twoj_fragment1-2 C.Fiscal #twoj_fragment1-3 Teléfonos #twoj_fragment1-4 Horario #twoj_fragment1-5
CALENDARIO LABORAL NO TERMO MUNICIPAL DE XOVE 2025
As festas locais en todo o Termo Municipal de Xove son as seguintes:
---> 13 de xuño de 2025 (San Antón)
---> 1 de setembro de 2025 (Festa Patronal San Bartolomé de Xove) CALENDARIO DE PAGO DE TRIBUTOS
 * CON CERTIFICADO DIXITAL DENDE O PORTAL DO CONTRIBUÍNTE DO SERVIZO PROVINCIAL DE RECADACIÓN PÓDESE XESTIONAR OS RECIBOS, PAGOS E CAMBIOS DE DOMICILIACIÓN BANCARIA
PORTAL DO CONTRIBUÍNTE DA DIPUTACIÓN PROVINCIAL
|
|
- Imposto Municipal de Vehículos : Entre o 15 de abril e o 15 de xuño (datas aproximadas)
|
 |
- I.B.I.: Rustica e Urbana /IAE: ---15 de setembro a 15 de novembro- (datas aproximadas) Os recibos domiciliados cargaránse na súa conta en novembro, os que non están domiciliados enviánse ó domicilio do titular. No caso de que a primeiros de novembro non recibira no seu domicilio este recibo, non ten máis que solicitalo nas oficinas do Concello para poder efectuar o abono en ABANCA (Caixa Galicia).
|
Se non ten domiciliado o pago ós recibos, estos enviánse DENDE O SERVIZO PROVINCIAL DE RECAUDACIÓN DE LUGO (Telefono 982 242728) por correo ordinario ao principio do cobro, tendo en conta que a non recepción destos documentos non exime do seu pago. En caso de non recibir os recibos de vehículos ou de IBI, tamén poderá solicitalos no Concello (982-592001) Esta dirección de correo electrónico está protegida contra spambots. Usted necesita tener Javascript activado para poder verla..-
 Oficina de Turismo: Avda. Diputación, s/n, 27870 Xove Tlf: 982592632
Cuartel Guardia Civil: C/Acceso cuartel, 27870 Xove Tlf: 982592053
Centro de Saúde: C/ Acceso cuartel, 27870 Xove Tlf: 982592424
Farmacia: C/ Camiño Real, nº 8, 27870 Xove Tlf: 982592057
Oficina de Información Xuvenil: C/San Bartolo, 27870 Xove Tlf: 982571816 HORARIO DE ATENCIÓN Ó PÚBLICO: De Luns a Venres: de 8.30 a 14:30
|
|
|
Medidas contra a gripe aviaria
10/Novembro/2025
Delegación de Agricultura
-
BANDO
INCLUSIÓN DO CONCELLO DE XOVE NAS ZONAS DE ESPECIAL RISCO ANTE A INFLUENZA AVIARIA (GRIPE AVIARIA)
O ALCALDE-PRESIDENTE DO CONCELLO DE XOVE FAI SABER
PRIMEIRO.- O Concello de Xove e o Ministerio de Agricultura, Pesca y Alimentación, a través da modificación da Orde APA/331/2025, de 2 de abril, publicada no BOE nº 84 do 07.04.2025, do Concello de Xove dentro das zonas de especial risco ante a influencia aviaria (ZER).
SEGUNDO.- Con data 10 de novembro de 2025 o concello de Xove, recibiu comunicación da Consellería do Medio Rural, na que se informa que o pasado o pasado 5 de novembro de 2025, o MINISTERIO DE AGRICULTURA, PESCA Y ALIMENTACIÓN determinou que desde o 10 de novembro (incluído) son aplicables as medidas de prevención polos concellos incluídos nas zonas de especial risco (ZER) e de especial vixilancia (ZEV) establecidos na Orden APA 2442/2006, pola que se establecen medidas específicas de protección en relación coa influenza aviaria.
A situación epidemiolóxica actual da influenza aviaria de alta patoxenicidade (IAAP) e de alto risco en toda a Unión Europea, onde se confirmaron desde o 1 de xullo e ata o 5 de novembro, 139 focos en aves de curral, 708 en aves silvestres e 33 en aves cativas. Destes, en España foron notificados 14 en aves de curral, 68 en aves silvestres e 5 en aves cativas. Na nosa Comunidade Autónoma foron 9 os focos declarados en aves silvestres.
• Queda prohibida a cría de aves de curral ao aire libre. Todos os propietarios de aves deben recluír as súas aves en instalacións pechadas a cuberto. Con todo, cando isto non sexa posible, poderanse manter as aves ao aire libre sempre que se instalen medios como teas paxareiras ou outros dispositivos que impidan a entrada de aves silvestres, e sempre que se alimente e abreve ás aves de curral no interior das instalacións ou nun refuxio que impida a chegada de aves silvestres e evite o contacto destas cos alimentos ou a auga destinados ás aves de curral.
• Queda prohibida a cría de patos, ocas e gansos con outras especies de aves de curral.
• Queda prohibida a utilización de paxaros das ordes Anseriformes (parrulos ou similares) e Charadriiformes (gaivotas e similares) como reclamo en actividades cinexéticas.
• Queda prohibido dar auga ás aves de curral procedente de depósitos aos que poidan acceder aves silvestres, salvo no caso de que se trate esa auga con métodos que garantan a inactivación do virus da influenza aviaria.
• Os depósitos de auga situados no exterior requiridos por motivos de benestar animal para determinadas aves de curral, deben estar protexidos suficientemente fronte as aves silvestres ou as súas dexeccións.
• Queda prohibida a presenza de aves de curral ou outro tipo de aves cativas (p. ex. aves ornamentais ou similares) nos centros de concentración de animais definidos no artigo 3.7 da Lei 8/2003, do 24 de abril, de sanidade animal, incluíndo os certames gandeiros, mostras, exhibicións e celebracións culturais, así como calquera concentración de aves de curral ou outro tipo de aves cativas. Con todo, a autoridade competente da Comunidade Autónoma de Galicia en materia de sanidade animal poderá autorizar ditas concentracións sempre que se efectúe unha avaliación do risco que dea un resultado favorable.
As medidas establecidas na actual situación de risco son de aplicación para calquera tipo de explotación avícola, sexa industrial, artesanal ou de pequena capacidade, así como tamén para os currais familiares de autoconsumo.
TERCEIRO.- Que as ditas medidas adoptadas polo MINISTERIO DE AGRICULTURA, PESCA Y ALIMENTACIÓN poderán ser revisadas pola dita Administración estatal, en función da situación epidemiolóxica con respecto á dita enfermidade infecciosa das da gripe ou influenza aviar
Asdo. José Demetrio Salgueiro Rapa
Alcalde-Presidente do Concello de Xove
Solicitude de árbores ...
07/Novembro/2025
Delegación de Agricultura
-
Andaina contra a violencia de xénero
04/Novembro/2025
Departamento de Servizos Sociais
-
---> INSCRIPCIÓN <----
XI Concurso de Fotografía de Medio Ambiente: “Xove, a súa costa e o seu mar”
02/Novembro/2025
Concellería de Deporte e Turismo
-
O Concello de Xove anuncia os gañadores desta nova edición, que contou coa maior participación ata o momento. Grazas a todos e todas por compartir o voso talento e amor pola natureza e o noso mar.
Premiados 2025:
1️⃣ Miguel Ángel Díaz Gallego, coa foto “Luces” – 120€
2️⃣ Alberto Rapa Martínez, coa foto “Remanso Nocturno” – 100€
3️⃣ Germán Paleo Navarro, coa foto “Rastro de Luz” – 90€
4️⃣ David Pablo Salgueiro, coa foto “Mirador” – 75€
5️⃣ Mónica Vila Ferreirós, coa foto “Papel” – 65€
ENTREGA DE PREMIOS
Noraboa aos gañadores e o noso sincero agradecemento a todos os participantes.
Becas e Axudas o Estudo 2025-2026
08/Outubro/2025
Departamento de Servizos Sociais
-
Apertura do prazo, ata o 27 de outubro, para solicitar as axudas ao estudo para o curso 2025/2026 do Concello.
** AMPLIACIÓN DO PRAZO PARA SOLICITAR ATA O 6 DE NOVEMBRO DE 2025
As solicitudes en papel poderán recollerse no rexistro do Concello, onde se facilitarán todos os modelos e a documentación a presentar.
EXTRACTO DA RESOLUCIÓN DE ALCALDÍA Nº 2025-1659 DO 24 DE SETEMBRO DE 2025 POLA QUE SE APROBA A CONVOCATORIA, EN RÉXIME DE CONCORRENCIA NON COMPETITIVA DAS AXUDAS AO ESTUDO DO CONCELLO DE XOVE PARA O CURSO 2025-2026.
De acordo co disposto nos artigos 17.3.b e 20.8.a da Lei 38/2003, do 17 de novembro, xeral de subvencións, publícase o extracto da convocatoria, cuxo texto completo se pode atopar na Base de Datos
Nacional de Subvencións (https://www.infosubvenciones.es/bdnstrans/GE/es/convocatoria/859793)
Primeira. Beneficiarios.As persoas interesadas na concesión dunha axuda deberán cumprir o requisito de empadroamento e residencia efectiva do núcleo familiar no Concello de Xove salvo no caso de independencia da persoa solicitante, que se considerará tal se no momento da solicitude ten contrato de traballo en vigor, e en cuxo caso se requirirá o empadroamento e residencia efectiva persoal.
Segunda. Obxecto .- As bolsas e axudas ao estudo reguladas nas presentes bases teñen por obxecto atender a sufragar os gastos
derivados do material e pago das taxas ou prezos de quen se atope realizando estudos, coas dotacións
máximas e demais condicionantes que se fixan nas bases posteriores.
Para os efectos das presentes Bases, enténdese por Bolsa ou Axuda ao estudo “toda cantidade ou beneficio que o Concello de Xove conceda a quen desexe realizar ou se atope realizando estudos para a súa promoción educativa, cultural ou profesional, de acordo coas presentes bases e para os cursos académicos a que se refiran as respectivas convocatorias”
As modalidades de bolsas e axudas ao estudo son as seguintes:
MODALIDADE 1.- Bolsas e axudas ao estudo universitario.
MODALIDADE 2.- Bolsas e axudas para ciclos formativos que cursen especialidades que non existan en Xove, San Cibrao, Viveiro ou Burela.
MODALIDADE 3.- Axudas para alumnos con discapacidade física ou psíquica que asistan a clases de educación especial ou a terapias de estimulación.
MODALIDADE 4.- Axudas para compra de material escolar.
MODALIDADE 5.- Axudas para estudos de doutoramento.
MODALIDADE 6.- Axudas para máster.
Terceira. Bases reguladoras Poden consultarse as Bases Regulamentadoras da presente convocatoria QUE FIGURAN Ó FINAL DESTE ARTIGO.
Cuarta. Contía.- O Concello de Xove aboará as axudas ás persoas solicitantes que reúnan os requisitos previstos nestas bases por alumno ou alumna segundo a renda per cápita familiar (englobando os ingresos de todos os membros da unidade de convivencia) que consta na declaración do Imposto Sobre a Renda das Persoas Físicas presentada no ano da solicitude.
As dotacións das bolsas son as seguintes:
1.- Modalidade 1.- Bolsas e axudas ao estudo universitario, dotadas con 1.200,00 € cada unha, cunha contía mínima de 100,00 €
2.- Modalidade 2.- Bolsas e axudas para ciclos formativos que cursen especialidades que non existan en Xove, San Cibrao, Viveiro ou Burela, dotadas con 600,00 € cada unha, cunha contía mínima de 100,00 €
3.- Modalidade 3.- Axudas para alumnos con discapacidade física ou psíquica que asistan a clases de educación especial ou a terapias de estimulación, dotadas con 750,00 € cada unha
4.- Modalidade 4.- Axudas para compra de material escolar, coa seguinte dotación:
a.- Preescolar: 65,00 €
b.- Primaria e ESO: 60,00 €
c.- Bacharelato: 125,00 €
d.- Ciclos formativos: 125,00 €
5.- Modalidade 5.- Axudas para doutoramento, dotada con 1.200,00 €.
6.- Modalidade 6.- Axudas para máster, dotada con 500,00 €.
Quinta. Requisitos dos solicitantes- Os interesados na concesión dunha bolsa ou axuda ao estudo deberán cumprir o requisito de empadroamento e residencia efectivo do núcleo familiar no Concello de Xove e, en caso de independencia do solicitante, que se considerará tal se no momento da solicitude ten contrato de traballo en vigor, requirirase o empadroamento e residencia efectivo persoal.
Ademais, no caso das axudas da Modalidade 1 de bolsas e axudas ao estudo universitario, é condición indispensable non ter máis de dúas materias suspensas de cursos anteriores, a condición de que o alumno estea matriculado dun curso completo ou dun número de materias non inferior a cinco. E así proporcionalmente ao número de materias.
Así mesmo, para o gozar do total da axuda da modalidade 6 de máster deberá acreditarse documentalmente un gasto superior á cantidade para conceder, entendéndose como gastos a xustificar os derivados da matrícula, gastos de estancia, gastos de desprazamentos, gastos de alimentación e/ou gastos de material, e no caso de non xustificar o total da axuda, esta se prorrateará.
Os gastos deberán ser xustificados con facturas, taxas de matrícula, contratos (estancia) ou calquera outro gasto que acredite fidedignamente a realización do gasto sen admitirse simples recibos nin declaracións.
Sexta. Prazo de presentación das solicitudes.- Os interesados en acceder ás bolsas e axudas deberán solicitalo no impreso normalizado facilitado polo Concello e acompañar a documentación sinalada na Cláusula Oitava.
As solicitudes atoparanse a disposición dos interesados e poderán presentarse a través da sede electrónica do Concello de Xove así como nas dependencias de Servizos Sociais do Concello e dirixiranse ao AlcaldePresidente do Concello de Xove.
O prazo de presentación das solicitudes será de 20 días naturais contados a partir da data de publicación pola Base de datos Nacional de Subvencións do Extracto da Convocatoria no Boletín Oficial da Provincia. Este prazo poderá ser prorrogado, excepcionalmente por Resolución motivada do Sr. Alcalde-Presidente, sen que en ningún caso a duración da devandita prórroga poida exceder de 10 días.
Así mesmo, tamén poderán presentarse ditas instancias no rexistro e oficinas, de acordo co previsto no artigo 66 da Lei 39/2015, do 1 de outubro, de Procedemento Administrativo Común das Administracións Públicas.
 BASES BECAS 2025-2026
FORMULARIOS PARA SOLICITAR, SEXA PRESENCIAL NO REXISTRO DO CONCELLO OU TRAVÉS DA SEDE ELECTRÓNICA
1.-SOLICITUD BECA 2025-2026
2.-DECLARACIÓN RESPONSABLE
3.- DECLARACIÓN DE REQUISITOS
4.-DECLARACION DOUTRAS AXUDAS
* PRESENCIAL: NO REXISTRO DE ENTRADA DAS OFICINAS XERAIS DO CONCELLO, EN HORARIO DE 8:30 A 14:30 HORAS
* ELECTRÓNICA: NA SEDE DO CONCELLO (instancia xeral) Sede Electrónica de Xove
No caso de que se elixa este método, a solicitude e documentación reseñada deberá presentarse na Sede electrónica do Concello usando "instancia xeral" e incluir a Solicitude de Beca (1) así como o resto da documentación esixida.
Obradoiros Yoga 2025
08/Outubro/2025
Departamento de Servizos Sociais
-
Festa do Deporte en Xove 2025
08/Outubro/2025
Concellería de Deporte e Turismo
-
Este venres, día 10 de outubro celebramos en Xove a Festa do deporte a partir das 20:00 no pavillón Municipal.
A esta festa están convidados todos os deportistas do concello que practican algunha modalidade deportiva dentro dalgunha asociación.
Será unha xornada de convivencia onde se fará entrega dunha medalla a todos os participantes como símbolo de recompensa ao esforzo, superación, traballo en equipo, respecto,compromiso, constancia... que nos transmite o deporte.
Tamén se fará unha mención especial a aqueles deportistas que lograron acadar un posto entre os tres primeiros clasificados nas diferentes competicións oficiais a nivel provincial,autónomico, nacional e como é o caso intercontinental.
ITV vehículos Agrícolas 2025
07/Outubro/2025
Delegación de Agricultura
-
Trastornos na adolescencia e prevención do suicidio.
05/Outubro/2025
Departamento de Servizos Sociais
-
Esta charla será impartida pola Educadora Social Rocío Rey. Rocío leva dezasete anos traballando con nenos e adolescentes.
Este curso ten como finalidade ofrecer ferramentas ás familias, coidadoras e coidadores, así como mestres e mestras, para comprender os trastornos psicolóxicos máis comúns na infancia e na adolescencia, poder identificar sinais de alerta e previr condutas suicidas. Falaremos tamén dos pasos a seguir si nos atopamos ante un caso de ideación suicida, todo isto, baixo unha mirada de comprensión hacia o neno, nena, ou adolescente, pero tamén hacia as familias e persoas que os rodean.
As incricións estarán abertas ata o xoves 9 de outubro, e deberán efectuarse no Departamento de Servizos Sociais do Concello, ou ben chamando o Tfno: 982.59.20.01
Obras de mellora no Centro Social de as Gulpilleras, na Rigueira
03/Outubro/2025
CONCELLO DE XOVE
-
A empresa Saiju SL foi a encargada de realizar unhas obras de acondicionamento e mellora dunha instalación municipal situada na parroquia de A Rigueira, no concello de Xove, que fai a función de Centro Social no lugar das Gulpilleiras.
Ata o momento a fachada principal da edificación presentaba abundantes patoloxías constructivas como desconchados, humidades e manchas permanentes, e polo tanto precisaba dunha renovación urxente do acabamento exterior das fachadas (paramentos cegos), posto que supoñía un impacto paisaxístico importante como consecuencia dun deficiente estado de conservación da tonalidade e da intensidade da actual cor da fachada, así como abundantes deficiencias no interior do local provocadas pola entrada de humidade.
Deste xeito foi necesario o tratamento da fachada da edificación destinado a Centro Sociocultural coas obras de pintado que se executaron, e que a súa vez fan de tratamento impermeabilizante, xa que se mellorou a estética xeral exterior da edificación e se melloraron as condicións da habitabilidade interior da mesma.
O importe das obras a executar foi de 24.805,00 €, sendo financiado da seguinte maneira: o 70% desa cantidade foron sufragados dentro dunha liña de subvencións da Xunta de Galicia para correcións de impactos paisaxísticos a través do Instituto de Estudos do Territorio e o 30% restante foron con aportación das arcas municipais.
Arranca o novo Curso de Música na Escola Municipal
02/Outubro/2025
Departamento de Cultura e Comunicación
-
O pasado xoves 25 de setembro mestres da Escola Municipal de Música deleitaron ao alumnado e ao profesorado do CEIP Pedro Caselles Rollán e do IES Illa de Sarón cunhas pequenas pezas musicais a modo de concerto didáctico nos ximnasios de ditos centros educativos de Xove co fin de amosarlles o traballo que día a día realizan nas clases da escola á vez que intentar conseguir novos alumnos para este curso que ven de empezar.
Ademáis este mércores tivo lugar a presentación do novo curso da Escola Municipal de Música nunha aula do Colexio de Palmeiro, instalacións que usan a diario para desenvolver a sua programación.
O Concello de Xove sustitue a caldeira de biomasa.
01/Outubro/2025
CONCELLO DE XOVE
-
O equipo de goberno municipal decidiu mellorar a eficiencia enerxética que surte o complexo do Centro Cívico propoñendo como melloras a sustitución da caldeira de astilla existente e o seu correspondente elevador por unha nova e máis moderna de 800 kW de potencia instalada e tamén a ampliación do silo de almacenamento da cachela.
As obras a executar no complexo municipal para o cambio de caldera de astilla existente por unha nova e de maior potencia conlevou tamén a total adecuación da sala de máquinas ao novo RITE e centrouse tamén na sustitución integral dos equipos constituintes. Isto inclúe a sustitución da actual caldeira de astilla de 500 kW por una de 800 kW co seu respectivo axitador rotatorio en silo, tornillo sinfín dende silo a caldeira, ciclón e filtro electrostático, ademáis de elevador de astilla, un circulador electrónico, contador de enerxía eléctrica e térmica, dotación de desconector no enchido, mellorar a instrumentación da sala, un novo vaso de expansión, cadro de proteccións eléctricas reformado, ampliación de chimenea, revestimento de tubería con aluminio e en definitiva axustarse ao RITE 2019.
Así mesmo, tamén inclúe un novo depósito de inercia vertical e o sistema de xestión integral do conxunto, tipo ESCADA.
Ademáis todo este sitema conta con un control remoto que permite levar a cabo un seguimento telemático do funcionamento da caldeira en calquera fase do seu proceso, de xeito que en calquera dispositivo intelexente, sexa móbil ou ordenador, poderase comprobar en cada momento o funcionamento que está tendo a caldeira de biomasa e así poder detectar con celeridade calquera anomalía que poidese xurdir.
As obras foron adxudicadas en 342.817,20 €. Desta cantidade a Xunta de Galicia a través de INEGA fixose cargo de 261.605,40 € e tamén a través dun convenio suscrito entre o Concello de Xove e Rede Eléctrica ésta aportou a cantidade de 46.502 €; co cal o Concello de Xove para esta gran obra de mellora tivo que aportar uns 34.700 €, conseguindo ademáis un aforro de costes no suministro da astilla, posto que ao ter maior volumen de almacenamento teranse que facer menos frecuencias de suministro.
Toda esta obra de mellora vai redundar tamén nun importante aforro enerxético e polo tanto de costes para as arcas municipais.
Con esta actuación preténdense alcanzar os seguintes obxectivos:
- Empregar un sistema de calefacción de alto nivel técnico e excelente en termos de sostenibilidade.
- Sustituir o combustible actualmente utilizado, que era o gasóleo e resultaba insuficiente para a potencia da caldeira, por un combustible de menor procesado e polo tanto menos contaminante, alcanzando unha reducción de emisións de CO2, xa que a biomasa está considerada como un combustible neutro en emisións de CO2, ao absorber a mesma cantidade de CO2 durante a fotosíntese para o crecemento das plantas, como na liberación posterior durante a sua combustión.
- Alcanzar un aforro enerxético.
-Utilizar un combustible local, repercutindo na xeración de emprego local e disminuindo o déficit exterior na mesma medida que sustitua aos combustibles fósiles, que son na sua totalidade importados.
Curso de alimentación e nutrición apícola en Xove
30/Setembro/2025
Delegación de Agricultura
-
Este pasado fin de semana ven de impartirse un curso de Alimentación e nutrición apícola en Xove.O curso levouse a cabo na aula de formación do concello de Xove, nas mañás do sábado 27 e domingo 28, da man do veterinario Javier Fontaiña, da Casa do Mel de Goente.
Durante 10 horas a programación combinou parte teórica e parte práctica. Na teoría trataron conceptos básicos, formación e materias primas en apicultura e fabricación de alimento e na parte práctica elaboraron in situ, cos ingredientes necesarios, alimento para as abellas. Con esta programación o obxectivo deste curso era amosarlle aos apicultores e aos afeccionados dunha maneira teórico-práctica a identificar os distintos tipos de alimentos que utilizar na alimentación das suas abellas así como a analizar os beneficios que poden conseguir no manexo da colmea grazas a unha correcta alimentación.
Este curso foi financiado pola Xunta de Galicia dentro dos plans de accións formativas cos que contan e cofinanciado pola Unión Europea.
Na presentación do curso estivo presente o alcalde de Xove Demetrio Salgueiro, que agradeceu a asistencia de todo o alumnado, a disponibilidade e atención da Casa do Mel e o financiamento das distintas institucións para que este curso se levase a cabo en Xove.
Festa do Ramo do Cruceiro (Xuances) 2025
29/Setembro/2025
CONCELLO DE XOVE
-
O vindeiro fin de semana, primeiro de outubro, vaise celebrar no Cruceiro, na parroquia de Xuances –Xove- a festa do Ramo, coñecida tamén pola sua cita gastronómica onde ensalzan os callos.
E así empeza a programación o venres 3 de outubro, coa XVII Festa dos Callos, acompañados pola Orquestra Capitol e Disco Móbil Conxuro.
Continua a festa o sábado coa sesión vermú da man do Grupo JB Son e verbena pola noite co Grupo JB Son e Disco Móbil Conxuro e rematan o domingo con unha gran sesión vermú prolongada amenizada polo Dúo D’Caché.
Na presentación do cartaz estiveron membros da comisión organizadora pertencentes á Asociación Cultural e de Festexos Alto do Cruceiro: Alejandro Quintas e Rubén e Francisco Sánchez, acompañados polo alcalde de Xove Demetrio Salgueiro e as concelleiras Tamara Soto e Mª Dolores Meitín.
A comisión agradece a colaboración de toda a veciñanza e tamén dos comercios, empresas e institución que dunha maneira ou doutra colaboraron para levar a cabo un ano máis estas festas do Ramo e aproveitan a ocasión para invitar a veciños e visitantes a vir desfrutar da boa gastronomía e da boa compañía este fin de semana no Cruceiro, onde contarán tamén con unha gran carpa cubrindo o campo da festa para que nin o mal tempo poida coa festa!
Campionato De España Feminino Iberdrola De Bolos Celta En Xove
18/Setembro/2025
CONCELLO DE XOVE
-
Os vindeiros 20 e 21 de setembro de 2025, a Bolera Municipal de Sumoas acollerá unha cita deportiva de máximo nivel: o Campionato de España Feminino Iberdrola, nas modalidades individual e por parellas.
Citaranse 25 xogadoras das diferentes Comunidades Autónomas que loitarán polo título nacional nun ambiente cheo de emoción e compañeirismo.
Lugar: Bolera Municipal de Sumoas, Xove ---->Datas: 20 e 21 de setembro de 2025
Na presentación do cartaz estiveron presentes o alcalde de Xove Demetrio Salgueiro, a concelleira de deportes Cristina Iglesias e Daniel Alonso polo Club de Bolos Xove,
O Club de Bolos Xove anima a acudir a esa cita e apoiar ás deportistas nun evento que leva o nome de Xove por toda España!
|
|
|
|
|
Piscina Municipal
|
Información Xuvenil
|
Escola Infantil
|
Medio Ambiente
|
Consumo
|
Escola de Música
|
Bolos
|
Punto Limpo
|
|
