Comezan as festas patronais:Ler Conta Moito

29/Agosto/2025 CONCELLO DE XOVE
• 

sta mañá arrancaron as festas patronais de Xove 2025 con unha actividade cultural enmarcada dentro do programa Ler Conta Moito.
Ás 12 da mañá tivo lugar o espectáculo de narración oral “Cabicivai” de Pablísimo, que por razóns meteorolóxicas se cambiou ao Salón de Actos do Centro Cívico.
Case unha centena de rapaces e rapazas do Concilia e Mañás Activas desfrutaron dos contos de Pablísimo e pasaron un anaquiño divertido.
Pola tarde está previsto o pregón das festas a cargo de Dª Ana María Boñar Rey, farmacéutica titular en Xove, ás 20:30 h no Salón de Actos do Centro do Cívico de Xove.
Tanto o Concello de Xove como a Asociación de Festexos Montevelle, como organizadores destas festas patronais, invitan a veciños e visitantes a achergarse este fin de semana a Xove a pasar unhas xornadas de lecer e confraternidade e ante a previsión do tempo informan que se instalou unha carpa cubrindo a praza do concello para que a choiva non sexa un impedimento para vir desfrutar das festas.

Festas de Xove 2025

22/Agosto/2025 CONCELLO DE XOVE
• 

FESTAS PATRONAIS NA HONRA A SAN BARTOLO E A VIRXE DO CARME.

Xove preparase para celebrar as festas patronais na honra a San Bartolo e a Virxe do Carme o 28, 29, 30 e 31 de agosto e o 1 de setembro.
Estas festas son un dos eventos máis destacados do ano en Xove e o pobo prepárase para festexalas con unha variedade de actividades para tódolos gustos e para tódolos públicos.
As festas arrancan co pregón a cargo da farmacéutica titular de Xove Dª Ana Mª Boñar Rey o xoves 28 de agosto e pechan o 1 de setembro co día da infancia, onde os menores poderán gozar dos inchables na praza do Concello.
No programa das festas destacan principalmente as actuacións infantís polas mañáns para deleite dos máis pequenos, a sardiñada popular para desfrutar na compaña de familiares e amigos e o tradicional festival folclórico da Asociación Cultural Saíñas, que descubrirá novamente a riqueza cultural a través da música e danza tradicional e tendo como grupo invitado a Agrupación Folklórica S´estol Porrenc de Mallorca.
Na verbena van contar cos grupos Nuevo Plan e América, o musical de La Ocaband “Camiñantes e cantantes” con Pili Pampín, M. Manquiña e Pepo Suevos, as orquestras Pontevedra, Os Satélites, Trébol e Gran Parada e a Disco Móbil Conxuro para amenizar estas noites de festa en Xove.
Como actividades deportivas o martes 26 de agosto terá lugar o II Torneo San Bartolo de Fútbol Sala onde se enfrontaran o Xove FS e o Burela FS no pavellón municipal de deportes e o domingo 31 de agosto no campo de fútbol anexo ao municipal vaise levar a cabo o Torneo Concello de Xove de fútbol onde se enfrontaran a UD Xove Lago e a UD Folgueiro.
O cartaz foi presentado por membros da Asociación de Festejos Montevelle (Benigno Canoura, Carlos Cociña, Dalmacio Riveira, Borja Basanta, José Luis Pico e David Galdo) que organizan xunto co Concello de Xove estas festas patronais. En representación do Concello estaban presentes o alcalde de Xove Demetrio Salgueiro, a concelleira de cultura Mª Dolores Meitín, a concelleira de turismo Cecilia Duarte e a concelleira de deportes Cristina Iglesias, que agradecen a gran laboura destes compañeiros ao longo de todo o ano para sacar adiante tanto estas festas patronais como a celebración da festa das Fillas de María.
O Concello de Xove e a comisión invitan a todos/as os/as veciños/as e visitantes a que se acheguen a desfrutar de un moi bo ambiente de festa.

Visita ao Urban Planet de Oleiros

14/Agosto/2025 CONCELLO DE XOVE
• 

O mércores, día 13 de agosto, ás 9:30 horas, 60 mozas e mozos de Xove de entre 9 e 16 anos, desprazáronse as instalacións do Urban Planet de Oleiros acompañados polo persoal voluntario e monitoras de Mañás Activas xunto coas dúas técnicas de xuventude, para gozar dunha mañá nas distintas actividades que ofrece este parque de trampolíns. Pola tarde pararon a xantar no Lago das Pontes para coñecer a historia da súa creación e darse un baño na praia. Esta viaxe está organizada polas Concellerías de Xuventude e Deporte e a Oficina de Información Xuvenil dentro do programa “Verán Xove 2025” .

Feira do San Bartolo 2025

13/Agosto/2025 CONCELLO DE XOVE
• 

A feira de gando do San Bartolo é un evento anual que reúne a gandeiros/as, criadores/as e entusiastas do sector para amosar e comerciar animais de alta calidade.
Este ano novamente o 24 de agosto celebrase na parroquia de San Isidoro de Monte (Xove) esta tradicional feira que repartirá premios nos concursos gandeiros que se celebraran pola mañá (maior número de reses cabalares e maior número de reses de gando vacún) e no concurso de marcha que terá lugar pola tarde.
Na presentación do cartaz desta feira estiveron presentes membros da directiva da Comunidade de Montes Costa de Laxamoura como organizadora da mesma (Antonio Paleo, Miguel Otero e Antonio Liborio), acompañados polo alcalde de Xove Demetrio Salgueiro e a concelleira de agricultura e gandería Mª Dolores Meitín.
A organización convida a todos/as os/as interesados/as no sector gandeiro a unirse a esta feira e ir pasar unha xornada entretida con moito gando e moita música en Penas Agudas (Monte-Xove).

Campamento en Morás 2025

05/Agosto/2025 Oficina Municipal Información Xuvenil oix@xove.es
• 

Durante os días 4, 5 e 6 de agosto un grupo de 33 nenas e nenos, de idades comprendidas entre 9 e 16 anos, gozan duns días de campamento en Morás. Esta actividade está encadrada dentro de Xuventude no Programa de Verán do Concello de Xove.
Nestes tres días, dende a saída o luns ás 11:00 ata o regreso o mércores ás 20:00 horas, teñen un plan intenso e variado de actividades en contacto estreito coa natureza que comprende desde a montaxe e a desmontaxe do campamento, surf na praia de Esteiro, kaiaks, xogos acuáticos, festa da escuma, xincana e moitos xogos máis para o máximo goce da rapazada participante.
Esta actividade está organizada polas Concellerías de Xuventude e Deporte e a Oficina de Información Xuvenil.

Festas de San Pedro Fiz en Xuances

05/Agosto/2025 CONCELLO DE XOVE
• 

Este fin de semana tócalle o turno á parroquia de Xuances, que este ano recupera a suas festas. O vindeiro sábado 9 de agosto e o domingo día 10 son as festas na honra a San Pedro Fiz e as inmediacións da praia de Esteiro van formar parte do escenario perfecto para estas festas parroquiais.
A Asociación de Veciños San Pedro de Xuances, con Daniel Alonso, José Meitín e Eleodora López como membros da directiva desta comisión organizadora, fixeron a presentación do cartaz acompañados polo Alcalde de Xove Demetrio Salgueiro e a concelleira de cultura Mª Dolores Meitín, invitando aos visitantes e a toda a veciñanza a pasar unhos días de convivencia e diversión garantizadas.

AQUAPARK CERCEDA 2025

04/Agosto/2025 Oficina Municipal Información Xuvenil oix@xove.es
• 

O sábado, día 2 de agosto, ás 9:30 horas, 34 mozas e mozos de Xove de entre 12 e 18 anos, desprazáronse ó Aquapark de Cerceda acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns que ofrece este parque acuático.
Esta viaxe está organizada polas Concellerías de Xuventude e Deporte e a Oficina de Información Xuvenil dentro do programa “Verán Xove 2025” .

Festas en Sumoas 2025

31/Xullo/2025 CONCELLO DE XOVE
• 

A Asociación de Festejos Rodraguel de Sumoas invita a veciños e visitantes a acercarse este  fin de semana a gozar das  festas patronais da sua parroquia, na honra a San Antón, empezando xa o venres día 1 de agosto con unha gran churrascada.

Hoxe tivo lugar a presentación do cartaz onde estivo presente Leandro Quelle e José Manuel Franco como membros da comisión organizadora, acompañados polo alcalde de Xove Demetrio Salgueiro e a concelleira de cultura Mª Dolores Meitín.