1ª Charla para familias e docentes

18/Marzo/2026 Turismo, Investigación Social e Muller
• 

 Celebrada o 11 de marzo: Comunicación Consciente e Corresponsable.

Sesión en diferido da primeira charla en corresponsabilidade da programación do Concello de Xove para o 8M. Unha sesión dinámica onde compartimos e aprendimos ferramentas para mellorar a convivencia e a corresponsabilidade. As próximas charlas serán: o 25 de marzo (Organización, estudos e responsabilidade compartida), e o 8 de abril (Corresponsabilidade na educación sobre o uso das tecnoloxías). Para participar debe cubrirse a ficha de inscrición dispoñible no Concello de Xove.

XXXV Curso de Formación Orquestral

13/Marzo/2026 CONCELLO DE XOVE
• 

O XXXV Curso de Formación Orquestral aposta polo proxecto “Xente Miúda” na súa edición de Semana Santa en Xove.

A XXXV edición do Curso de Formación Orquestral está organizada pola Asociación Prestoxove e conta co patrocinio do Concello de Xove. Nesta edición participarán como profesorado convidado Carmen Varela, responsable da sección de violíns; Nara Carballal, á fronte das seccións de violas e violonchelos; Daniel Roca, encargado da sección de vento; e Barúk Domínguez, que traballará co alumnado da sección vocal do proxecto.A organización do curso mantén unha estrutura semellante á de anos anteriores. As mañás, en horario de 10:30 a 14:00 horas, estarán dedicadas aos ensaios seccionais e xerais de orquestra no colexio de Palmeiro. Polas tardes, de 16:00 a 19:00 horas, realizaranse ensaios de música de cámara, así como leccións maxistrais das distintas especialidades.

O Curso de Formación Orquestral está aberto a alumnado de corda, vento e canto, con diferentes niveis instrumentais, que desexe participar nesta experiencia formativa.

Como parte da programación, o martes 31 ás 18:00 horas terá lugar un concerto de música de cámara, no que o alumnado ofrecerá actuacións en diversas formacións. A clausura do curso celebrarase o mércores 1 de abril ás 18:00 horas coa representación do proxecto “Xente Miúda”, interpretado conxuntamente por todos os participantes. Éstes concertos levaranse a cabo no Salón de Actos do Centro Cívico de Xove, con entrada libre e gratuita para tódolos públicos.

A XXXV edición do Curso de Formación Orquestral incorpora este ano unha importante novidade, xa que o eixo central do programa será a preparación do proxecto musical “Xente Miúda”, que se combinará co traballo e a organización de diferentes grupos de música de cámara.

“Xente Miúda” é un proxecto que reúne un total de 15 cantigas da autoría de Nacho Fonseca, incluídas nun disco gravado baixo maqueta instrumental no ano 1988 polo alumnado da Escola Municipal de Música de Xove. Para esta edición do curso, as pezas foron revisadas, reescritas e arranxadas por Xan Carballal, adaptándoas ás características do alumnado actual que participará no curso.

O disco orixinal gravárase sobre unha maqueta instrumental e incluía a tradución ao galego dos textos, xa que a versión inicial estaba en asturiano. Agora, a recuperación deste proxecto supón unha actualización tanto musical como textual, pensada expresamente para o alumnado da escola. Ademais, “Xente Miúda” desenvolverase ao longo do ano en distintos formatos, coincidindo coa celebración do 40 aniversario da creación da Escola Municipal de Música de Xove.

XXVII Ruta Cabalar A Medela

11/Marzo/2026 Delegación de Agricultura
• 

A Asociación Equina A Medela organiza un ano máis, e xa van 27 edicións, a XXVII Ruta Cabalar A Medela, que terá lugar este domingo 15 de marzo no concello de Xove.

A saída está programada para as 10:00 horas dende a igrexa de Sumoas, punto de encontro dende o cal os participantes poderán iniciar unha ruta a cabalo por algunhas das paraxes naturais máis fermosas do municipio. Durante a mañá, os xinetes farán unha parada a medio percorrido para gozar duns pinchos e repoñer forzas, continuando despois coa ruta ata regresar ao punto de inicio. Posteriormente ás 14:30 horas, celebrarase un xantar nunha carpa instalada no campo da igrexa de Sumoas, que será servido pola Pulpería Mario de Viveiro.

A xornada continuará cunha sesión musical de tarde e coa celebración dun sorteo de agasallos entre as persoas asistentes, poñendo así o broche final a un día de convivencia arredor do mundo do cabalo.

Na presentación da ruta estiveron presentes o alcalde de Xove, Demetrio Salgueiro, a concelleira Mª Dolores Meitín e Leandro Quelle e Rubiños como membros da Asociación Equina A Medela, que aproveitaron para convidar a todas as persoas afeccionadas aos cabalos e á natureza a participar nesta xornada entrañable e a gozar dun día de convivencia nas fermosas paisaxes do concello.

Gañadores do Concurso de Caretas 2026

11/Marzo/2026 CONCELLO DE XOVE
• 

O Concurso de Caretas de Entroido é unha actividade que, como cada ano, organiza este servizo municipal co obxectivo de fomentar a creatividade e manter viva unha das celebracións máis populares do calendario.

O certame contou cunha destacada participación de nenos e nenas do municipio, que presentaron propostas moi variadas, cheas de imaxinación, cor e orixinalidade. O xurado destacou especialmente o alto nivel dos traballos presentados, así como o esforzo e dedicación das persoas participantes.

Os traballos premiados foron os seguintes:

• EDUCACIÓN INFANTIL:1º PREMIO: Elsa Baño Bouza.- 2º PREMIO: Brais Sánchez Labayén.- 3º PREMIO: Xare González Celaya
• 1º e 2º EDUCACIÓN PRIMARIA:.-1º PREMIO: María García Val.- 2º PREMIO: Zoe Sierra Escobar.- 3º PREMIO: Isabela del Valle Lozada Salinas
• 3º e 4º EDUCACIÓN PRIMARIA:.- 1º PREMIO: Anaïs Romero Suárez.- 2º PREMIO: Celia Maseda Peña.- 3º PREMIO: Alejandro Loyola Vidal
• 5º e 6º EDUCACIÓN PRIMARIA:.- 1º PREMIO: Jesús López Franco.- 2º PREMIO: David Burgos Peloche.-3º PREMIO: Ainara Sánchez Lage
• E.S.O.:.-1º PREMIO: Óscar Bértolo Casabella.-2º PREMIO: Marcos Mariño Ferrería.-3º PREMIO: Aya El Omari

Tras a correspondente deliberación, o xurado acordou conceder os premios nas distintas categorías establecidas nas bases do concurso, valorando aspectos como a creatividade, a elaboración e a utilización de materiais.

Dende o Concello de Xove e a Biblioteca Municipal quérese felicitar a todas as persoas participantes polo seu traballo e agradecer tamén a colaboración das familias, que cada ano contribúen a facer desta actividade unha cita xa consolidada dentro da programación cultural do Entroido no municipio.

A entrega de premios terá lugar nos próximos días no centro educativo de Xove, nun acto no que se recoñecerá publicamente o talento e a participación dos máis pequenos e pequenas.

Reserva de Praza na Escola Infantil 2026

10/Marzo/2026 Departamento de Servizos Sociais
• 

Emprender para Abrir Camiño 2026

10/Marzo/2026 CONCELLO DE XOVE
• 

Xove Concilia Semana Santa 2026

03/Marzo/2026 CONCELLO DE XOVE
• 

Acción formativa en corresponsabilidade para familias e docentes.

02/Marzo/2026 Turismo, Investigación Social e Muller
• 

FICHA DE INSCRICIÓN