Consellos para a Mellora na Xestión de Residuos
NORMAS DE FUNCIONAMENTO DO SERVIZO DE RECOLLIDA DE MATERIAIS PARA O SEU TRASLADO AO PUNTO LIMPO
- Comunicar o aviso chamando ao Teléfono do Concello (982.59.20.01) e indicar o material do que se quere desfacer (mobles vellos, electrodomésticos inservibles), e a súa ubicación.
- Cando haxa avisos suficientes procederase dende o concello á súa retirada , empregando o Vehículo Municipal para darlle traslado ao punto limpo. servizo gratuito.
Para os veciños que queiran depositar directamente os materiais no punto limpo (Polígono Industrial de Camba), o horario é o seguinte:
- NO INVERNO: -Luns: de 8:00h. a 14:30h. -Martes a Venres: 8:00h. a 15:00h. -Sábados: 10:00h. a 13:00h.
- NO VERÁN: -Luns: de 9:00h. a 14:00h. - Martes a Venres: 9:00h. a 14:30h. -Sábados: 10:00h. a 13:00h.
Queda totalmente prohibido depositar nos contedores herba cortada, restos de animais mortos, restos de material de obra, neumáticos, de ser así, a empresa encargada da recollida do lixo, deixará sen baleirar ese contedor.
Para unha mellor e mais áxil recollida do lixo, debemos ter en conta:
-
- Contedor Verde: restos orgánicos.
- Contedor Amarelo: plásticos, latas e briks.
- Contedor Azul: papel e cartón.
- Contedor Verde redondo: vidro.
- Contedor Verde cadrado: aceite de cociña usado.
- Contedor Azul claro cadrado: roupa e calzado inservibles.
RECOLLE OS EXCREMENTOS DO TEU CAN E A TUA RESPONSABILIDADE!
ORDENANZA MUNICIPAL REGULADORA DA LIMPEZA, SALUBRIDADE E ORNATO DE ESPACIOS PÚBLICOS NO CONCELLO DE XOVE (B.O.P. Lugo – Sábado 08/Setembro/2012)
ARTIGO 21.-----------------------------------------------------------------
2. CONSIDERARANSE INFRACCIÓNS GRAVES:
- A reincidencia en 3 infraccións leves.
- Cambia-lo aceite e outros líquidos ós vehículos na vía e espazos libres públicos.
- Realizar actos de propaganda mediante lanzamento de carteis, folletos, follas soltas, etc., que ensucien os espazos públicos.
- Omiti-las operacións de limpeza despois da carga ou descarga de vehículos ou incumpri-las obrigacións do artigo 9.
- Incumprir as normas relativas á retirada de entullos procedentes de obras nas vías públicas que sinala o artigo 11.
f) Non proceder á limpeza das dexeccións de cans ou doutros animais.
- g) Realizar inscricións ou pintadas.
- h) Usar indebidamente ou danar os contedores, así como causar deterioro nas papeleiras.
- Abandonar mobles ou enseres na vía ou espazos públicos.
- j) Abandonar cadáveres de animais ou a súa inhumación en terreos de dominio público.
- k) Abandonar vehículos nas vías públicas.
- l) Levar cans ou outros animais ás zonas de xogos infantís, instalacións deportivas cubertas e descubertas e ás praias na época de baño, dende o 1 de maio ata o 30 de setembro.
- m) A omisión por parte dos propietarios dos terreos e edificacións das obrigacións sinaladas no artigo 17 desta Ordenanza.
ARTIGO 22.----------------------------------------------------------------
Como contías das sancións fíxanse as seguintes:
1. Faltas Leves: apercibimento e multas de 30´00 € a 90´00 €.
2. Faltas Graves: multas de 91´00 € a 300´00 €.
3. Faltas Moi Graves: multas de 301´00 € a 3.000’00 €. Nos supostos de reincidencia, imporanse ademais as sancións previstas na lexislación vixente sobre desfeitos e residuos sólidos urbanos, ou na normativa medioambiental de aplicación.