Aberto o prazo para solicitar Axudas a lucido exterior de Vivendas 2015
A Xunta de Goberno Local do Concello, en sesión de data 25/2/015, acordou a aprobación das bases que rexerán a concesión de subvencións para o remate exterior (lucido de fachadas) de vivendas unifamiliares con mais de 5 anos de antigüidade,acondicionamento do entorno e accesos a vivendas unifamiliares no termino municipal desde vias de titularidade pública así como para a construcción ou acondicionamento de muros opacos de peche de solares no casco urbano de Xove.
CONVOCATORIA E BASES NO PORTAL TRANSPARENCIA -->
A finalidade destas subvencións é a de mellorar a estética das vivendas dos nosos veciños co fin de que se integren mellor na paisaxística rural, pero tamén se pretende mellorar o entorno das propias vivendas, facilitando o acceso das mesmas. A mellora da calidade das vivendas e os seus entornos contribúe significativamente á mellora da calidade de vida dos veciños que as habitan.
Prazo de presentación de solicitudes : Do día 2 de marzo ata o 12 DE XUÑO DE 2015 ( Ambalas dúas datas incluídas) .-IMPORTE MÁXIMO : 450€
AXUDAS PARA REMATE EXTERIOR DE VIVENDAS 2015
O Alcalde-Presidente do Concello, fai saber: Que pola Xunta de Goberno Local , en sesión de 25/2/2015, acordouse a aprobación das bases que rexerán a concesión de subvencións para:
- REMATE EXTERIOR DE VIVENDAS (LUCIDO DE FACHADAS).
- ACONDICIONAMENTO DO ENTORNO E ACCESOS A VIVENDAS UNIFAMILIARES NO TERMINO MUNICIPAL DESDE VIAS DE TITULARIDADE PÚBLICA .
- CONSTRUCCIÓN OU ACONDICIONAMENTO DE MUROS OPACOS DE PECHE DE SOLARES NO CASCO URBANO DE XOVE.
Documentación necesaria :
- Cumprimenta-la solicitude que se facilita nas oficinas xerais do Concello que inclúe a correspondente comunicación previa das obras a efectuar.
- Copia compulsada do D.N.I.
- Documentación acreditativa de que o solicitante é o propietario da vivenda ou do solar (Escritura Pública e/ou Certificación Catastral)
- Acreditación de que a vivenda ten unha antigüidade superior ós cinco anos, extremo que deberá acreditarse coa presentación da correspondente licenza de primeira ocupación o no seu defecto cun informe emitido polos servizos técnicos municipais acreditativo da antigüidade da vivenda.
- Memoria Valorada (acompañada de fotografías que acrediten o estado das fachadas / ou do entorno e os accesos desde a vía de titularidade pública / ou do muro a acondicionar / ou do fronte ó vial sen muro de peche) na que se acredite o estado da fachada, do entorno, dos accesos, ou do muro a acondicionar ou a construír e as obras que se pretendan efectuar con descrición valorada dos materiais a utilizar, materiais que nas súas características estéticas e construtivas deberán ser acordes cos do entorno. En calquera caso o presuposto total das obras a executar non poderá ser inferior á contía da axuda a percibir.
Prazo de presentación de solicitudes :
- Do día 2 de marzo ata o 12 DE XUÑO DE 2015 ( Ambalas dúas datas incluídas).
Lugar de presentación de solicitudes :
- OFICINAS MUNICIPAIS, en horario de oficina.
O que se fai público para xeral coñecemento.
Xove, a 2 de marzo de 2015
O ALCALDE,
Asdo: José Demetrio Salgueiro Rapa