O Persoal de concellos das catro provincias galegas fixo unha reunión para reflexionar sobre a cooperación internacional no Encontro Vacacións con Traballo 2006-2015 que se fixo en Pontevedra con máis de vinte empregadas e empregados municipais participantes neste programa de voluntariado internacional en países empobrecidos. Un dos obxectivos da xornada é mellorar esta iniciativa de voluntariado en países empobrecidos que neste ano chega ao seu décimo aniversario.-
Vacacións con Traballo (VcT) é un programa de sensibilización e voluntariado dirixido ás/aos traballadoras/es da administración local galega asociada ao Fondo Galego de Cooperación e Solidariedade. As/os participantes son seleccionadas/os por medio dunha convocatoria pública tras un proceso de observación dos seus CV e cartas de motivación, en función do perfil profesional que os nosos parceiros do Sur nos solicitan. As estancias duran un mes.
As/os traballadoras/es seleccionadas/os invisten/sacrifican o seu mes de vacacións en terreo apoiando tecnicamente aos parceiros do Fondo Galego, e de aí o nome do programa, no que o Fondo paga a viaxe das/os participantes e os nosos socios locais os aloxamentos e as manutencións. Entendémolo coma un programa de dobre dirección onde ambas as dúas partes aprenden, e onde a implicación das/os candidatas/os é imprescindible.
Ata hoxe viaxaron ao Sur para cooperar por medio de VcT 30 persoas, 21 mulleres e 9 homes. Desprazáronse aos proxectos onde o Fondo ten presenza estratéxica, incorporándose a grupos de traballo que, pese a brevidade da estancia, sempre deixan fluxos de coñecemento compartido, ideas e contactos enredados en algo máis ca unhas vacacións solidarias.
• Décimo aniversario das Vacacións con Traballo no 2015.
Vacacións con Traballo cumpre 10 edicións durante o 2015 servindo coma un dos fíos condutores do Plan anual 2015 do Fondo Galego, na procura de poñer en valor as capacidades específicas da cooperación internacional municipal.
Os intercambios de coñecemento, o know how dos municipios, son unha das ferramentas máis potentes e específicas do municipalismo que coopera ao longo do planeta e que apoia procesos de descentralización política e administrativa, tanto para aumentar a produtividade das accións de cooperación coma os vínculos de amizade e coñecemento entre países e concellos.
Na Liñas Estratéxicas do Fondo 2011-2015 identificouse a necesidade dunha maior implicación e participación das persoas traballadoras nas entidades socias na vida do Fondo Galego, acompañando así as tendencias da cooperación municipal mundial. Cómpre destacar así que o 2º encontro das VcT da continuidade e aprende do grupo de discusión realizado no 1º encontro na illa de San Simón, en setembro de 2012 (anéxanse as transcricións completas do grupo de discusión/entrevista colectiva).
• Obxectivos do 2º Encontro.
1- Como mellorar Vacacións con Traballo? (Utilidade de dobre dirección/Visibilidade e participación/O papel das persoas participantes a volta/Formatos 2.0?)
2- Que podemos achegar desde os Concellos e Deputacións as experiencias en terreo das persoas participantes, especificamente a Cabo Verde, Nicaragua e Cuba?
3- Como implicar (e informar) mellor ao persoal das entidades socias no traballo diario do Fondo Galego nos Concellos e Deputacións?
• Proposta de formato
O encontro realizarase no Centro social Pontevedra Sur, dando comezo ás 11:00 cun café de presentación, no que posiblemente participen autoridades locais do Concello de Pontevedra para dar a benvida aos participantes ao ser a primeira actividade pública do Fondo Galego trala chegada ao Concello de Pontevedra.
Con posterioridade establécense tres posibles turnos en función do horario proposto.
12:00-14:00 (Obxectivos 1 e 2)
14:15-16:15 (Comida colectiva)
16:30-18:30 (Obxectivo 3/Potencialmente conectado tamén ao Obxectivo 1 e 2 do encontro)
• Participantes VcT 2006-2014
Edición | Persoa | Funcións | Entidade representada | País de destino | Parceiro |
2006 | Ricardo Pérez | Arquitecto | Culleredo | Cabo Verde | Cámaras de Ribeira Grande e Paúl |
2006 | Inés Peleteiro | Coordinadora Área Xestión Ambiental | Consorcio das Mariñas | Cabo Verde | Cámara de Paúl |
2006 | María López Avendaño | Educadora social | Neda | Nicaragua | INPRHU |
2006 | David Saavedra Pino | Técnico servizos sociais | Noia | Nicaragua | INPRHU |
2007 | Mar Barreiro | Técnica de servizos sociais | Oleiros | Perú | Tierra de Niñ@s |
2007 | Rosario Romero | Técnica de servizos sociais | Vigo | Nicaragua | INPRHU |
2007 | Álvaro Trillo | Técnico de infraestruturas e obras | Coruña, A (Deputación) | Cabo Verde | Cámara de São Miguel |
2008 | Susana Maceiras Pérez | Asesora departamento Benestar, Xuvent. E Igualdade | Lugo (Deputación) | Nicaragua | INPRHU |
2008 | Mª Jesús Gutiérrez Candame | Técnica de servizos sociais | Coruña, A | Perú | Tierra de Niñ@s |
2008 | Inmaculada Diego Covelo | Técnica en Inmigración e Benestar | Nigrán | Cabo Verde | ICIEG |
2009 | Jorge Duarte | Arquitecto | Pontecesures | Cuba | Oficina del Conservador |
2009 | Rosa Lage Canoura | Axente de emprego e desenvolvemento local | Xove | Cabo Verde | Cámara de Brava |
2009 | Marta Richarte Carballo | Técnica benestar social | Cangas | Perú | Tierra de niñ@s |
2009 | Sara Pérez | Técnica de benestar social | Lugo (Deputación) | Nicaragua | INPRHU |
2010 | Patricia Varela Weber | Arquitecta | Verín | Cuba | Oficina del Conservador |
2010 | Gonzalo Alonso Álvarez | Interventor | Ourense | Cabo Verde | Cámara de São Filipe |
2010 | Carolina Iglesias | Psicóloga Centro Información á Muller | Nigrán | Perú | Municipalidad Atavillos Alto |
2010 | Crsitina Moreiras Mosquera | Técnica de medioambiente | Ourense | Cabo Verde | Cámara de São Filipe |
2010 | Brais García Fernández | Técnico xestión adva. Museo provincial | Lugo (Deputación) | Nicaragua | INPRHU |
2011 | Joaquín Lede | Director de proxectos europeos | Dep. de Pontecedra | Cabo Verde | Cámara de Porto Novo |
2011 | Diego Calviño | Técnico de turismo | Castrelo do Miño | Nicaragua | INPRHU |
2011 | María José Pérez | Arquitecta | Dep. de Pontevedra | Cabo Verde | Cámara de Paul |
2012 | Cristina Santos | Técnica en igualdade de xénero | Malpica | Cabo Verde | Cámara de Paul |
2012 | Cristina Vázquez | Arquitecta | Soutomaior | Cabo Verde | Cámara de Ribeira Grande (Santo Antao) |
2012 | Lucía González | Técnica admon (dep.turismo) | Ourense | Nicaragua | INPRHU |
2012 | Sara Besada | Arquitecta | Vilagarcía de Arousa | Cuba | Oficina del Conservador |
2013 | María Jesús Olivares | Técnica de igualdade | Ferrol | Cabo Verde | Cámara municipal de Porto Novo |
2013 | Emilio Cuiñas | Técnico de turismo | Ourense | Nicaragua | INPRHU |
2014 | Emma Teixeira | Igualdade de xénero/Laboral | Pontevedra | Cabo Verde | Cámara municipal de Ribeira Grande/Cooperativa Sulada |
2014 | Estela Iglesias | Comunicación/Turismo | Allariz | Nicaragua | INPRHU |
*Marcadas en negrita as persoas que confirmaron a súa participación, en cursiva as que dependen de situacións de última hora e sen marcas as que confirmaron que non ou aínda non deron resposta.
*Cómpre finalmente sinalar que foron convidadas a participar coma “espectadores” as persoas participantes na edición de 2015 (que realizarán as súas viaxes entre setembro e novembro deste ano) entendendo que pode ser de utilidade para as súas viaxes, e facendo especial fincapé na posible participación no turno de tarde.
*De interese: Os blog das experiencias das persoas participantes; http://vacacionscontraballo.wordpress.com