II CONCENTRACIÓN DE CLÁSICOS DE XOVE
Hoxe, sábado 29 de setembro, desenvolveuse a II CONCENTRACIÓN DE VEHÍCULOS CLÁSICOS E HISTÓRICOS, organizada pola Asociación Autoclásicos da Mariña Lucense, nunha convocatoria dirixida a coches e motos clásicos, na súa maioría de Galicia e Asturias.
A organización contou, para este evento, coa colaboración do Concello de Xove e o de numerosas casas comerciais de toda a Comarca.
O Programa de actividades foi o seguinte:
-De 9:00 a 11:00 horas.- RECEPCIÓN de vehículos (coches e motos) na Praza do Centro Cívico. Durante este período, todo o público asistente puido admirar libremente os vehículos participantes, podendo ademáis compartir experiencias cos seus propietarios. En total participaron 83 coches clásicos (todos de máis de 30 anos) e 25 motos (tamén todas de máis de 30 anos).
Os participantes procedían de de Manzaneda (Ourense), Padrón (Pontevedra), Navia e Gijón (Asturais), Melide, Narón e A Coruña (A Coruña), e tamén de toda a Mariña.
-Sobre as 12:00 horas procedeuse á realización dun CIRCUITO polo Concello, duns 10 km, con saída do Centro Cívico cara a Vila, na parroquia de A Rigueira, continuando hacia a Igrexa de San Miguel (A Rigueia), en cuxa explanada se ubicaron os vehículos. Tendo en conta que era a Festa do San Miguel, algúns aproveitaron para participar na Misa e na Procesión, e outros adicáronse a visitar o fermoso entorno, coa área recreativa e a Ruta dos Muiños, e participar na sesión vermú da festa.
A media mañá, e antes de partir, a organización ofreceulles aos participantes un pequeño refrixerio na Área Recreativa.
A continuación a comitiva seguiu cara o Cruceiro, para dirixirse á A Vara, pasando por Os Faroles, Igrexa de Xuances e baixada cara Area, onde todos, sobor das 15:00 horas, disfrutamos dun xantar no Restaurante Louzao.
Unha vez rematado o xantar, a organización procedeu á entrega de PREMIOS, para finalizar co sorteo dunha serie de produtos doados polos establecementos comerciais colaboradores.
Dentro dos premios, premíaronse, tanto en categoría coches como motos:
-Aos vehículos máis antigos.
-Aos de procedencia máis lonxana.
-Ao condutor/a máis veterano/a.
-Ao condutor/a máis xove.
Consideramos que a participación, con 83 coches e 25 motos, foi excelente, tendo que deixar varios vehículos fóra da convocatoria dado que non podíamos atender tódalas solicitudes que nos chegaron. Cremos imporante sinalar a relación de clubes participantes:
-Club clásicos de Narón (A Coruña).
-Clásicos do Sar (Padrón).
-Clásicos de Mondoñedo (Mira e Anda).
-Avésporas da Mariña (Burela).
-Clásicos de Lourenzá
-Clásicos de Barreiros.
-Asociación de Foz.
-Asociación de Navia (Asturias).
Por último, a organización realizou un concurso entre tódolos participantes con preguntas sobre o mundo do motor. Só dous concursantes respostaron correctamente a tódalas preguntas, polo cal foron merecedores dun premio.