XUNTOS POLO NADAL 2010-2011
Tendo en conta a situación de soidade na que se atopan moitas persoas maiores, pola perda do seu cónxuxe, emancipación dos fillos ou carencia de familiares, a Dirección Xeral de Dependencia e Autonomia Persoal convoca este programa de convivencia que se vai desenvolver nas datas comprendidas entre 24 de decembro de 2010 e o 1 de xaneiro de 2011. Convócanse un total de 240 prazas, totalmente gratuítas, para a participar neste programa que se van distribuir da seguinte maneira:
- Residencia de Tempo Libre de Carballiño: 120 prazas ( 60 para a provincia da Coruña e 60 para a provincia de Pontevedra).
- Residencia de Tempo Libre de Panxón: 120 prazas ( 60 para a provincia de Lugo e 60 para a provincia de Ourense).
O programa contempla o aloxamento, en habitacións dobres e manutención, en réxime de pensión completa, durante 9 dias ( 8 noites).A saida dos puntos de orixe realizarase o dia 24 de decembro pola mañá desde os centros sociocomunitarios das cidades de A Coruña, Ferrol, Santiago , Lugo, Ourense, Pontevedra e Vigo e o regreso o dia 1 de xaneiro despois do xantar desde as Residencias de Carballiño e Panxón aos centros anteriormente sinalados.■ Datas de celebración:Do 24 de decembro de 2010 ao 1 de xaneiro de 2011■ Requisitos:
Para ser beneficiario deste programa haberá que reunir os seguintes requisitos:
- Ser maior de 65 anos ou de 60 sendo pensionista
- Residir na Comunidade Autónoma de Galicia
- Valerse por sí mesmo e non padecer trastornos mentais ou condutuais que poidan alterar a convivencia.
- Non estar acollido en ningún centro residencial
- Ter un nivel de ingresos económicos baixo
- Ter que pasar só/a as datas de Nadal.
Para a selección dos participantes aplicaranse ,ás solicitudes que reúnan os requisitos, os criterios establecidos según baremo, dándolle preferencia ás persoas que:
- participen no Programa a nivel individual, que realmente vivan soas e non teñan con quen pasar estas datas.
- teñan un menor nivel de ingresos económicos.
- non participaron neste ano en ningunha quenda do Programa de Turismo Social, nin en pasadas edicións do Programa Xuntos polo Nadal.
■ Servizos:
- Transporte desde o Centro Sociocomunitario que se lle indique na carta de adxudicación da praza.
- Aloxamento en cuartos compartidos e manutención das persoas participantes en réxime de pensión completa.
- Réxime alimenticio especial para as persoas que por prescrición médica o requiran e o acrediten debidamente.
- Actividades de animación sociocultural.
- Póliza colectiva de seguros.
■ Documentación:
- Solicitude
- Informe médico
- Informe social
- Fotocopia compulsada do DNI do solicitante e do cónxuxe, se é o caso.
- Certificado de convivencia actualizado da persoa solicitante.
■ Lugar de presentación:
- Servizos Sociais Comunitarios.
- T.S. dos Centros de Saúde ou Hospitais
- Centros Sociocomunitarios de Benestar
- Residencias de Maiores dependentes da Consellería de Traballo e Benestar
- Departamentos Territoriais da Consellería de Traballo e Benestar
- Prazo de presentación
- Ata o 30 de novembro de 2010
■ Información complementaria
- Elaborarase unha lista coas persoas seleccionadas provisionalmente e comunicaráselles aos interesados , informándolles da necesidade de confirmar asistencia para que a adxudicación da praza sexa definitiva, xa que no caso de non recibir no Departamento Territorial a confirmación, poñerase a praza a disposición do seguinte solicitante da lista de reserva.
O Departamento Territorial notificará a concesión da praza e informará os participantes do punto e hora de saída e indicaralles a necesidade de ir provistos de:
- DNI actualizado
- Xustificación da concesión da praza
- Tarxeta sanitaria, medicación habitual necesaria e/ ou accesorios para o transcurso da estadía
- Roupa adecuada é cómoda.
- Os gastos de desprazamento desde os domicilios dos seleccionados ata o lugar de saída dos autobuses e viceversa,serán por conta dos beneficiarios.