Aberto o prazo para solicitar BECAS 2019
Onte, luns 28 de outubro, e ata o luns 18 de novembro, ámbolos dous días incluídos, vai estar ABERTO O PRAZO PARA SOLICITAR NO CONCELLO DE XOVE AS BOLSAS E AXUDAS AO ESTUDO 2019/2020.
Para formalizar as solicitudes o poden facer presencialmente no Departamento de Servizos Sociais, ou ben a través da Sede Electrónica.
BASES BECAS - CONVOCATORIA BECAS 2019
As bolsas e axudas ao estudo reguladas nas presentes bases teñen por obxecto atender a sufragar os gastos derivados do aloxamento, material e pago das taxas ou prezos de quen se atope realizando estudos, coas dotacións máximas e demais condicionantes que se fixan nas bases posteriores. A contía destinada ás presentes axudas é de 43.000 €.
As bases reguladoras da concesión de Bolsas e Axudas ao Estudo do Concello de Xove contemplan as seguintes modalidades:
- Modalidade 1.- Bolsas e axudas ao estudo universitario, dotadas con 1.200,00 € cada unha, cunha contía mínima de 100,00 €.
- Modalidade 2.- Bolsas e axudas para ciclos formativos que cursen especialidades que non existan en Xove, San Cibrao, Viveiro ou Burela, dotadas con 600,00 € cada unha, cunha contía mínima de 100,00 €.
- Modalidade 3.- Axudas para alumnos con discapacidade física ou psíquica que asistan a clases de educación especial ou a terapias de estimulación, dotadas con 750,00 € cada unha.
- Modalidade 4.- Axudas para compra de material escolar, coa seguinte dotación: Preescolar: 65,00 €.- Primaria e ESO: 60,00 €.- Bacharelato: 125,00 €.- Ciclos formativos: 125,00 €
- Modalidade 5.- Axudas para doutoramento, dotada con 1.200,00 €.
- Modalidade 6.- Axudas para master, dotada con 500,00 €.