Novas medidas SOCIAIS anunciadas pola Xunta de Galicia

• 

No marco do debate sobre o estado da Autonomía o presidente da Xunta anunciou novas medidas no eido social, entre as que cabe destacar as seguintes:

• • Con efectos a partir do 1 de novembro vaise poñer en marcha un programa para evitar os cortes de luz por impagamento ás familias galegas máis vulnerables, asumindo o custo de dúas mensualidades da tarifa.
  • En 2016 a Xunta reducirá o IRPF autonómico á gran maioría dos contribuíntes. Asimesmo, o 99% das galegas e galegos que reciban herdanzas como pais, fillos, netos, avós e cónxuxes non pagarán o Imposto de sucesións e doazóns, e que o 1% restante pagará menos, xa que, tipo de herdanzas, quedarán exentos de tributación os primeiros 400.000 euros e só se tributará a partir desa cifra.
  • Ampliación do bono- gardaría para que as familias que queiran levar aos seus fillos a unha escola infantil, e non teñan praza nunha gardería da Xunta, reciban unha axuda.
  • Creación dun bono-coidador para o rural, naquelas zonas nas que non exista opción a gardaría.
  • Os nenos nacidos a partir do 1 de xaneiro de 2016 recibirán unha axuda directa de 100 euros ao mes para gastos básicos como alimentación ou hixiene.

Antes de que remate este 2015 entrará en vigor a Historia Social única, que integrará toda a información social dos galegos, e que supón o paso previo e imprescindible para a implantación da futura Historia SocioSanitaria.