O Departamento de Educación Familiar, que depende da Concellería de Servizos Sociais, acaba de por en marcha o programa “ENCONTROS PARA A SAÚDE: TALLER DE MEMORIA”, obradoiro dirixido a persoas do Concello de Xove, maiores de 60 anos, que queiran mellorar as súas capacidades memorísticas.
Esta actividade vaise desenvolver durante todo o mes de xullo ao longo de 8 sesións, de 1,30 horas cada sesión.
A inscrición nesta actividade é totalmente gratuita; para inscribirse hai que facelo no Departamento de Educación Familiar, preguntando pola educadora Angélica Casabella en horario normal de oficina, ou ben, chamando ao teléfono do Concello 982592001.
O prazo para apuntarse remata o vindeiro 25 de xuño.