Segue aberto o prazo de solicitude de plantas....

Detalles

Delegación de Agricultura

Creado en Miércoles, 17 Decembro 2025 12:23

Última actualización en Miércoles, 17 Decembro 2025 12:23

Publicado el Miércoles, 17 Decembro 2025 12:23

Segue aberto o prazo de solicitude de plantas no departamento de agricultura  

O Concello de Xove lembra a todos os veciños e veciñas que segue aberto o prazo para solicitar árbores froiteiras, autóctonas, ornamentais e plantas de xardín ata o vindeiro 30 de decembro.

Como vén sendo habitual cada ano, o Departamento de Agricultura do Concello de Xove pon en marcha esta campaña co obxectivo de fomentar a plantación de especies forestais, árbores autóctonas, froiteiras e plantas ornamentais á vez que trata de potenciar a repoboación con especies autóctonas e mellorar o adecentamento de xardíns e espazos privados.

Así mesmo, o Concello de Xove pretende facilitar aos seus veciños e veciñas o acceso ás especies demandadas a prezos competitivos, evitando desprazamentos innecesarios aos viveiros da comarca e ofrecendo unha maior comodidade na adquisición das plantas.

Nova convocatoria de Axudas para Vaciado de Fosas Sépticas no Concello de Xove.

Detalles

Delegación de Agricultura

Creado en Viernes, 21 Novembro 2025 14:35

Última actualización en Viernes, 21 Novembro 2025 14:36

Publicado el Viernes, 21 Novembro 2025 14:35

Este martes ven de publicarse no BOP do 18 de novembro o extracto da resolución de alcaldía pola que se aproba a convocatoria en rexime de concurrencia non competitiva das axudas para o vaciado de fosas sépticas ou outros sistemas individuais de xestión de augas residuais no Concello de Xove.

As presentes axudas irán destinadas a potenciar a debida xestión dos residuos xerados nas fosas sépticas ou outros sistemas individuais de xestión de augas residuais sitos en contornas sen rede de sumidoiros municipal.

Poderán ser beneficiarias destas axudas as persoas físicas maiores de idade titulares de inmobles residenciais ou de establecementos de aloxamento turístico e de restauración suxeitos á normativa galega de turismo en vigor sitos no termo municipal do Concello de Xove en entornos sen rede de sumidoiros municipal que estea provistos de fosas sépticas ou outros sistemas individuais de xestión de augas residuais.

A cuantía máxima de cada persoa beneficiaria será de 200 euros e a contía máxima destinada ás presentes axudas é de 5.000 €.

O prazo establecido para a presentación de solicitudes abarcará dende o 1 de xaneiro de 2026 ata o 10 de decembro de 2026 pero incluirán os vaciados realizados xa dende o 1 de outubro deste ano.

Para máis información pódense dirixir ao Departamento de agricultura e gandeiría do concello e a documentación a presentar será o impreso oficial acompañado da documentación esixida na convocatoria e pódese presentar a través da Sede electrónica do Concello de Xove Sede Electrónica de Xove ou ben presencialmente no Rexistro Xeral do Concello.

Medidas contra a gripe aviaria

Detalles

Delegación de Agricultura

Creado en Lunes, 10 Novembro 2025 14:27

Última actualización en Lunes, 10 Novembro 2025 14:31

Publicado el Lunes, 10 Novembro 2025 14:27

BANDO

INCLUSIÓN DO CONCELLO DE XOVE NAS ZONAS DE ESPECIAL RISCO ANTE A INFLUENZA AVIARIA (GRIPE AVIARIA)

O ALCALDE-PRESIDENTE DO CONCELLO DE XOVE FAI SABER

PRIMEIRO.- O Concello de Xove e o Ministerio de Agricultura, Pesca y Alimentación, a través da modificación da Orde APA/331/2025, de 2 de abril, publicada no BOE nº 84 do 07.04.2025, do Concello de Xove dentro das zonas de especial risco ante a influencia aviaria (ZER).

SEGUNDO.- Con data 10 de novembro de 2025 o concello de Xove, recibiu comunicación da Consellería do Medio Rural, na que se informa que o pasado o pasado 5 de novembro de 2025, o MINISTERIO DE AGRICULTURA, PESCA Y ALIMENTACIÓN determinou que desde o 10 de novembro (incluído) son aplicables as medidas de prevención polos concellos incluídos nas zonas de especial risco (ZER) e de especial vixilancia (ZEV) establecidos na Orden APA 2442/2006, pola que se establecen medidas específicas de protección en relación coa influenza aviaria.

A situación epidemiolóxica actual da influenza aviaria de alta patoxenicidade (IAAP) e de alto risco en toda a Unión Europea, onde se confirmaron desde o 1 de xullo e ata o 5 de novembro, 139 focos en aves de curral, 708 en aves silvestres e 33 en aves cativas. Destes, en España foron notificados 14 en aves de curral, 68 en aves silvestres e 5 en aves cativas. Na nosa Comunidade Autónoma foron 9 os focos declarados en aves silvestres.

•  Queda prohibida a cría de aves de curral ao aire libre. Todos os propietarios de aves deben recluír as súas aves en instalacións pechadas a cuberto. Con todo, cando isto non sexa posible, poderanse manter as aves ao aire libre sempre que se instalen medios como teas paxareiras ou outros dispositivos que impidan a entrada de aves silvestres, e sempre que se alimente e abreve ás aves de curral no interior das instalacións ou nun refuxio que impida a chegada de aves silvestres e evite o contacto destas cos alimentos ou a auga destinados ás aves de curral.

•  Queda prohibida a cría de patos, ocas e gansos con outras especies de aves de curral.

• Queda prohibida a utilización de paxaros das ordes Anseriformes (parrulos ou similares) e Charadriiformes (gaivotas e similares) como reclamo en actividades cinexéticas.

• Queda prohibido dar auga ás aves de curral procedente de depósitos aos que poidan acceder aves silvestres, salvo no caso de que se trate esa auga con métodos que garantan a inactivación do virus da influenza aviaria.

• Os depósitos de auga situados no exterior requiridos por motivos de benestar animal para determinadas aves de curral, deben estar protexidos suficientemente fronte as aves silvestres ou as súas dexeccións.

• Queda prohibida a presenza de aves de curral ou outro tipo de aves cativas (p. ex. aves ornamentais ou similares) nos centros de concentración de animais definidos no artigo 3.7 da Lei 8/2003, do 24 de abril, de sanidade animal, incluíndo os certames gandeiros, mostras, exhibicións e celebracións culturais, así como calquera concentración de aves de curral ou outro tipo de aves cativas. Con todo, a autoridade competente da Comunidade Autónoma de Galicia en materia de sanidade animal poderá autorizar ditas concentracións sempre que se efectúe unha avaliación do risco que dea un resultado favorable.

As medidas establecidas na actual situación de risco son de aplicación para calquera tipo de explotación avícola, sexa industrial, artesanal ou de pequena capacidade, así como tamén para os currais familiares de autoconsumo.

TERCEIRO.- Que as ditas medidas adoptadas polo MINISTERIO DE AGRICULTURA, PESCA Y ALIMENTACIÓN poderán ser revisadas pola dita Administración estatal, en función da situación epidemiolóxica con respecto á dita enfermidade infecciosa das da gripe ou influenza aviar

Asdo. José Demetrio Salgueiro Rapa

Alcalde-Presidente do Concello de Xove

Solicitude de árbores ...

Detalles

Delegación de Agricultura

Creado en Viernes, 07 Novembro 2025 19:38

Última actualización en Viernes, 07 Novembro 2025 19:38

Publicado el Viernes, 07 Novembro 2025 19:38

ITV vehículos Agrícolas 2025

Detalles

Delegación de Agricultura

Creado en Martes, 07 Outubro 2025 21:20

Última actualización en Martes, 07 Outubro 2025 21:20

Publicado el Martes, 07 Outubro 2025 21:20

Curso de alimentación e nutrición apícola en Xove

Detalles

Delegación de Agricultura

Creado en Martes, 30 Setembro 2025 11:31

Última actualización en Martes, 30 Setembro 2025 13:43

Publicado el Martes, 30 Setembro 2025 11:31

Este pasado fin de semana ven de impartirse un curso de Alimentación e nutrición apícola en Xove.O curso levouse a cabo na aula de formación do concello de Xove, nas mañás do sábado 27 e domingo 28, da man do veterinario Javier Fontaiña, da Casa do Mel de Goente.

Durante 10 horas a programación combinou parte teórica e parte práctica. Na teoría trataron conceptos básicos, formación e materias primas en apicultura e fabricación de alimento e na parte práctica elaboraron in situ, cos ingredientes necesarios, alimento para as abellas. Con esta programación o obxectivo deste curso era amosarlle aos apicultores e aos afeccionados dunha maneira teórico-práctica a identificar os distintos tipos de alimentos que utilizar na alimentación das suas abellas así como a analizar os beneficios que poden conseguir no manexo da colmea grazas a unha correcta alimentación.

Este curso foi financiado pola Xunta de Galicia dentro dos plans de accións formativas cos que contan e cofinanciado pola Unión Europea.

Na presentación do curso estivo presente o alcalde de Xove Demetrio Salgueiro, que agradeceu a asistencia de todo o alumnado, a disponibilidade e atención da Casa do Mel e o financiamento das distintas institucións para que este curso se levase a cabo en Xove. 

Avispa Velutina ...

Detalles

Delegación de Agricultura

Creado en Lunes, 07 Xullo 2025 10:54

Última actualización en Lunes, 07 Xullo 2025 10:54

Publicado el Lunes, 07 Xullo 2025 10:54

Curso de Apicultura en Xove

Detalles

Delegación de Agricultura

Creado en Lunes, 30 Xuño 2025 14:14

Última actualización en Lunes, 30 Xuño 2025 14:56

Publicado el Lunes, 30 Xuño 2025 14:14

Ven de rematar no Concello de Xove un intenso curso de 30 horas de duración acerca da Selección e cría de raíñas.

A través da Consellería de Medio Rural, da Axencia Galega da Calidade Alimentaria AGACAL, do Ministerio de Agricultura, Pesca e Alimentación e do FEADER, a CASA DO Mel de Goente (As Pontes) impartiu un curso de Selección e cría de raíñas na aula de formación do Concello de Xove en horario de 9 a 14 h e durante 6 intensos días durante os cales, ademáis da parte práctica nun colmenar en Villalpol, na parroquia de Portocelo, trataron o seguinte temario:

• 1. Ciclo de vida das abellas
• 2. Identificación dos distintos estados larvarios
• 3. Selección
• 4. Cría de Abázcaros
• 5. Métodos de división de colmeas
• 6. Métodos de cría de raíñas
• 7. Taslarve
• 8. Formación de colmea criadora (método Cloake)
• 9. Formación de núcleos e paquetes de abellas
• 10. Marcaxe de raíñas
• 11. Métodos de introdución de raíñas

O alumnado quedou encantado e á espera de máis cursos debido á gran afección pola apicultura que hai pola zona.

FOTOGRAFÍA DOS ASISTENTES Ó CURSO