Obrigas en materia de Prevención de Incendios. 2023

• 

 CIRCULAR

RECORDATORIO DE OBRIGAS EN MATERIA DE PREVENCIÓN DE INCENDIOS

Tendo coñecemento esta Alcaldía da existencia, tanto no núcleo urbano de Xove coma en diversos núcleos rurais do termo municipal, de parcelas que incumpren o establecido na Lei 3/2007, do 9 de abril, de prevención e defensa contra os incendios forestais de Galicia (e as modificacións posteriores), e na Lei 7/2012, do 28 de xuño, de Montes, no relativo á xestión de biomasa vexetal e retirada de especies arbóreas prohibidas.

RECÓRDASE a todas as persoas físicas e xurídicas titulares de parcelas que non están cumprindo a normativa existente, que teñen a obriga de xestionar a biomasa vexetal (traballos de roza) e á corta e retirada das especies arbóreas prohibidas (eucalipto; piñeiro galego; piñeiro do país; piñeiro silvestre; piñeiro de Monterrey; piñeiro de Oregón; mimosa; acacia negra; queiruga; carqueixa; xesta; uz, carpaza; xesta, piorno; fento; silva; e toxo) ANTES DO 31 DE MAIO DE 2023.