Feira de gando de San Isidoro de Monte 2017

O vindeiro XOVES, 24 de AGOSTO, coincidindo co día de San Bartolo, terá lugar a tradicional FEIRA DE GANDO vacuno e cabalar en San Isidoro de Monte, no sitio coñecido como Penasagudas. A organización deste inmemorial evento corre a cargo da  Comunidade de Veciños “Costa de Laxamoura”, os cales levan varios meses traballando para que todo esté a punto para este día. Conta a Feira co importante patrocinio do Concello de Xove e a Consellería de Medio Rural da Xunta de Galicia.

   O Programa da Feira é o seguinte:

-10:00 horas: Recepción do gando no Campo da Feira.

-13:00 horas: misa solemne na Igrexa Parroquial de San Isidoro.

-13:30 horas: Sesión Vermú co “DUO GALICIA”.

-17:30 horas: Verbena co “DUO GALICIA”.

   No que respecta ao Concurso Gandeiro que se vai celebrar pola mañá, vai haber dúas modalidades cos seguintes premios:

a)         Concurso de “Maior número de reses vacunas na Feira”:

   1º premio: 90 €uros

   2º premio: 70 €uros.

   3º premio: 50 €uros.

   4º premio: 30 €uros.

b) Concurso  de “Maior número de reses cabalares na Feira”: 

   1º premio: 90 €uros

   2º premio: 70 €uros.

   3º premio: 50 €uros.

   4º premio: 30 €uros.

Dentro do Programa tamén se inclúe PREMIOS AOS MELLORES EXEMPLARES:

-Mellor vaca: 50 €uros.

-Mellor touro: 50 €uros.

-Mellor besta: 50 €uros.

-Mellor cabalo: 50 €uros.

Tódolos participantes no concurso gandeiro (maior número de reses e mellores exemplares) deberán traer:  carta de saneamento no caso de gando vacuno e microchip e libro no caso de gando cabalar.

   Como en anos anteriores, para aqueles que desexen xantar no lugar, na Feira vai haber varios chiringuitos con comida (pulpo, churrasco, panadería, etc.).

 Xa pola tarde, haberá CONCURSO DE MARCHA a partires das 17:30 horas, cos seguintes premios en cada unha das dúas modalidades:

   1º premio: 90 €uros

   2º premio: 70 €uros.

   3º premio: 50 €uros.

   4º premio: 30 €uros.

PARA PODER PARTICIPAR NO CONCURSO DE MARCHA, OS CABALOS PARTICIPANTES DEBERÁN ESTAR ASEGURADOS CON  SEGURO DE RESPONSABILIDADE CIVIL E AUTORIZADOS PARA PARTICIPAR NESTE TIPO DE PROBAS